Սթիվ Ջոբսի մասին
Սթիվ Ջոբսի կենսագրությունն ուսումնասիրելիս՝ կարելի է գտնել տասնյակ ոգեշնչող պատմություններ։
Առօրյա այս փոքրիկ դրվագում Ստիվ Ջոբսը կարևորագույն մի դաս է սովորում, որը ծառայելու էր նրան իր ողջ կյանքի ընթացքում։
Սթիվ Ջոբսի հոր իմաստուն խորհուրդը
Մի անգամ, երբ Սթիվ Ջոբսը դեռ պատանի էր, հայրը խնդրում է նրան ներկել իրենց տան առջևի ցանկապատը․․․
Մի քանի ժամ հետո հայրը գալիս է բակ և հարցնում է․ «Սթի՛վ, ներկեցի՞ր ցանկապատը»։ Սթիվը պատասխանում է․ «Այո՛, ներկել եմ»։ Հայրը սկսում է զննել ցանկապատը և ասում է. «Սթի՛վ, դու շատ լավ ներկել ես ցանկապատի դրսի կողմը, բայց դու չես ներկել ցանկապատի ներսի կողմը»։
Սթիվը նայում է հորը և ասում. «Հայրի՛կ, բայց չէ՞ որ ոչ ոք չի տեսնելու ցանկապատի ներսի կողմը»։ Հայրն էլ իր հերթին նայում է Սթիվին և ասում է՝ «Տղա՛ս, մենք ենք տեսնելու»։
Սթիվ Ջոբսի իմաստուն խորհուրդը իր թիմին
Անցնում են տասնամյակներ, և Սթիվ Ջոբսը արդեն ղեկավարում էր Apple ընկերությունը, իսկ Apple-ի թիմն աշխատում էր Apple Մակինթոշի վրա։ Նա հանդիպում է ունենում Apple Մակինտոշի դիզայնով զբաղվող թիմի հետ և ասում է.
«Ես ցանկանում եմ, որ համակարգիչը արտաքուստ այնքան պարզ ու էլեգանտ լինի, ասես այն արվեստ գործ լինի։ Բայց ահա Ձեր իրական խնդիրը՝ Դուք պետք է այնպես անեք, որ համակարգիչը ներսից այնքան գեղեցիկ կառուցված լինի, որ նայելով նրան՝ արտասվենք»։
Եվ այս անգամ էլ դիզայնի թիմը նայում է Ջոբսին և ասում. «Բայց չէ՞ որ ոչ ոք չի տեսնելու, թե ինչ կա Apple Մակինտոշի ներսում»։ Ջոբսը ժպտալով նայում է նրանց և ասում՝ մենք ենք տեսնելու։
Հենց այս գաղափարախոսության շնորհիվ Apple ընկերությունը դարձավ աշխարհի ամենահռչակավոր և ամենաարժեքավոր ընկերություններից մեկը։
Հույս ունենք, որ այս պատմությունը կոգեշնչի Ձեզ ձգտել նույնքան կատարելագործել Ձեր կյանքը ներքուստ, որքան դա անում եք արտաքուստ։
Կայզեն TV-ի թողարկումներում Դուք կգտնեք օգտակար խորհուրդներ և պրակտիկ գործիքներ՝ Ձեր նպատակները քայլ առ քայլ իրականություն դարձնելու համար։
Առաջարկում ենք բաժանորդագրվել մեր Youtube-յան ալիքին և տեղեկացնել Ձեր ընկերներին այս նախագծի մասին։ Նրանք Ձեզ երախտապարտ կլինեն :)
Ձգտե՛ք Կատարելության,
Kaizen Mastery
Comments