Քոուչինգի մասին
Քոուչինգն այն մարդկանց համար է, ովքեր իսկապես պատրաստակամ են բարեփոխելու իրենց կյանքը՝ պատասխանատվություն ստանձնելով սեփական կյանքի համար և քայլեր կատարելով իրենց նպատակներն իրականություն դարձնելու համար:
Քոուչի ծառայություններից օգտվում են տարբեր փորձառություններ ունեցող անհատներ, ինչպես օրինակ՝ բիզնես ոլորտի ներկայացուցիչներ, քաղաքական գործիչներ, ղեկավարներ, արվեստագետներ, մարզիկներ և այլն:
Ինչպե՞ս դառնալ հաջողակ
Քոուչի հետ համագործակցությունը հաջողակ լինելու և ինքնակատարելագործման ձգտում ունենալու վկայություն է:
Նույնիսկ եթե վստահ եք, որ արդեն իսկ հասել եք Ձեր կյանքի մեծագույն հաջողությանը, ապա հիշեք, որ քոուչինգի շնորհիվ Դուք կբացահայտեք ինքակատարելագործվելու նորանոր հորիզոններ:
Ինչպիսի՞ ներդրումներ են անհրաժեշտ:
Քոուչինգը երկարաժամկետ համագործակցություն է հաճախորդի և քոուչի միջև: Հարկ է նշել, որ քոուչինգը կախարդական փայտիկ չէ, որն արագորեն կլուծի Ձեր բոլոր խնդիրները:
Օգտվելով քոուչի ծառայություններից Դուք գիտակցված ընտրություն եք կատարում՝ սկսելու Ձեր կյանքի բարեփոխման ճանապարհը: Ինչպես ցանկացած փոփոխություն, Ձեր անհատական վերափոխումը Ձեզանից կպահանջի մի շարք ներդրումներ:
Բացի ծառայության դիմաց զուտ ֆինանսական ներդրում կատարելուց, Դուք պետք է իսկապես պատրաստակամ լինեք ներդնել Ձեր էներգիան, ժամանակը, մտավոր ռեսուրսները՝ հանուն Ձեր ինքնակատարելագործման:
Քոուչի հետ աշխատելու արդյունքները
Ի՞նչ կստանաք Ձեր ներդրումի դիմաց:
Քոուչինգը կարելի է համեմատել արհեստանոցում աշխատելու հետ: Դուք եք որոշում՝ ինչի վրա աշխատել, ինչ նյութերից օգտվել և ինչ գործիքներ կիրառել Ձեր գլուխգործոցը կերտելու համար: Եվ, իհարկե, Դուք ազատ եք դեն նետել այն ամենը, ինչը խանգարում է Ձեզ:
Քոուչի հետ Ձեր համագործակցությունն ավարտելիս Դուք արդեն իսկ ունեք այնպիսի հմտություններ և այնպիսի գործիքներ Ձեր «արհեստանոցում», որոնք կօգնեն Ձեզ հետագայում շարունակաբար նոր գլուխգործոցներ կերտել:
Վստահ եղեք, որ քոուչի հետ համագործակցությունը կլինի Ձեր կյանքի կարևորագույն ներդրումը կամ առնվազն կարևորագույն ներդրումներից մեկը:
Այսպիսով՝ քոուչինգի ամբողջ գործընթացը հիմնված է փոքրիկ քայլերի արվեստի վրա, ինչի շնորհիվ Դուք զգալու եք փոքրիկ հաղթանակների մեծ ուժը և գերազանցելու եք ինքներդ Ձեզ՝ շարունակաբար ձգտելով կատարելության:
Քոուչինգի ծառայությունից օգտվելու համար անհրաժեշտ է լրացնել այս հարցաթերթը:
Ձգտե՛ք կատարելության,
Արևիկ
Հ.Գ. Առաջարկում ենք բաժանորդագրվել մեր Youtube-յան ալիքին (Կայզեն TV), որտեղ կգտնեք մասնագիտական օգտակար խորհուրդներ՝ Ձեր նպատակները ամենօրյա փոքրիկ քայլերով իրականացնելու, երջանիկ ու ներդաշնակ կյանքով ապրելու համար: