Ինչո՞վ են քոուչինգը և մենթորությունը տարբերվում մասնագիտական այլ ծառայություններից

Դիտարկենք քոուչինգը մասնագիտական այլ (հարակից) ծառայությունների համեմատությամբ՝

 

Հոգեբանական խորհրդատվություն՝ այս մասնագիտական ծառայությունը անդրադառնում է անհատի հոգեբանական խնդիրներին` հաճախ անդրադարձ կատարելով անհատի՝ անցյալում ունեցած փորձառությանը, դժվարություններին, որոնք էլ կարող են խանգարել նրա բնականոն էմոցիոնալ գործունեությանը ներկայումս: Քոուչինգը, սակայն, չի ձգտում լուծել անհատի հոգեբանական խնդիրները:

 

Քոուչինգը ապագայամետ է: Այն կենտրոնանում է ապագա հնարավորությունների, այլ ոչ թե անցյալի «սխալների» վրա: Քոուչի հետ աշխատելիս չկան սխալներ, կա միայն փորձառություն, որից պետք է սովորել, չկա մեղքի կամ ափսոսանքի զգացում, կա պատասխանատվություն սեփական արարքների հանդեպ:

 

Քոուչինգը չի կետրոնանում նրա վրա, թե անհատը ինչպիսին է եղել անցյալում: Անցյալը չէ, որ անհատի կարողությունների կամ հնարավորությունների չափանիշ է: Անցյալին անդրադառնալիս ուշադրությունն ուղղվում է առավելապես դրական փորձառության և ձեռքբերումների վրա:

 

Հարկ է նշել, որ քոուչը մասնագիտությամբ հոգեբան չէ (բացառությամբ այն քոուչերի, ովքեր ունեն հոգեբանի կրթություն) և իրավասու չէ տրամադրել հոգեբանական խորհրդատվության ծառայություն:

 

Խորհրդատվություն՝ այս ծառայության մատուցման ժամանակ խորհրդատուն, ով որոշակի ոլորտի փորձագետ է, հրավիրվում է հարթակ (օրինակ՝ բիզնես ընկերություն) ախտորոշելու առկա խնդիրը, դրա առաջացման պատճառները:  Այնուհետև, հիմնվելով իր հետազոտության արդյունքների վրա՝ փորձագետը հանդես է գալիս իրավիճակի բարեփոխմանը նպաստող լուծումներով և առաջարկություններով:

Քոուչինգի դեպքում խորհրդատվություն չի տրամադրվում, քոուչը լուծումներ չի թելադրում, քանի որ կա այն համոզմունքը, որ անձը կամ կազմակերպությունն ունեն իրենց համար լավագույն լուծումները գտնելու բոլոր անհրաժեշտ ռեսուրսները: Քոուչինգը հիմնված է հավասար հարաբերությունների վրա: 

 

Քոուչն օժանդակ դեր է կատարում՝ օգնելով անհատին կամ կազմակերպությանը ստեղծարար մտածելակերպի միջոցով նոր տեսանկյունից դիտարկել իրավիճակը, տեսնել այնպիսի հնարավորություններ, որոնք մինչ այդ անտեսված էին:  

 

Մենթորությունը համագործակցություն է անհատների կամ անհատի և կազմակերպության միջև, որի ընթացքում որոշակի ոլորտում գիտելիքներ, հմտություններ և փորձառություն ունեցող անձը՝ մենթորը, փոխանցում է դրանք անհատին կամ խմբին:

 

Եթե քոուչինգը օգնում է սովորել, ապա մենթորությունը սովորեցնում է:

 

Մենթորության մեզ հայտնի լավագույն օրինակներից մեկը Մենթորի և Տելեմաքոսի հարաբերություններն են Հոմերոսի «Ոդիսականը» պոեմում: Տրոյա մեկնելիս Ոդիսևսն իր ընկեր Մենթորին է հանձնում իր տան ղեկավարումը և որդու՝ Տելեմաքոսի դաստիարակությունը, ասելով՝ «Սովորեցրու՛ նրան այն ամենը, ինչ գիտես»: Վերջին արտահայտությունը լավագույնս ներկայացնում է մենթորության էությունը:

 

Այսպիսով, թե՛ քոուչինգը, թե՛ մենթորությունը կենտրոնանում են անհատի ներկայի և ապագա հնարավորությունների վրա, միտված են հստակ նպատակների սահմանմանը, գործողությունների ծրագրի մշակմանը, դրա իրականացմանը և անհատի անձնական ու մասնագիտական կյանքում դրական փոփոխությունների խթանմանը:

 

Քոուչինգի ծառայությունից օգտվելու համար անհրաժեշտ է լրացնել այս հարցաթերթը: 

 

Ձգտե՛ք կատարելության,

Արևիկ

 

Հ.Գ. Առաջարկում ենք բաժանորդագրվել մեր Youtube-յան ալիքին (Կայզեն TV), որտեղ կգտնեք մասնագիտական օգտակար խորհուրդներ՝ Ձեր նպատակները ամենօրյա փոքրիկ քայլերով իրականացնելու, երջանիկ ու ներդաշնակ կյանքով ապրելու համար: 

 

 

Please reload

Ի՞նչ է քոուչինգը. քոուչինգի սկզբունքները

1/1
Please reload

New Food for Thought
Նոր մտքեր
Please reload

© 2016-2019 by Kaizen Mastery

People Development Institute

  • LinkedIn Social Icon
  • Twitter Social Icon
  • YouTube Social  Icon
  • Facebook Social Icon
  • images

Email: kaizenmastery@gmail.com

Phone: +374 (0) 55 345219

Yerevan, Armenia