Ինչպե՞ս են ընթանում քոուչի և հաճախորդի հանդիպումները

Թեև քոուչինգն ունի իր հիմնարար սկզբունքները, յուրաքանչյուր հաճախորդի հետ աշխատանքը անհատական է, ինչը հնարավորություն է տալիս առավելագույնս բավարարել տվյալ հաճախորդի յուրօրինակ կարիքները:

 

Առաջին հանդիպման ժամանակ հաճախորդը քոուչի հետ միասին գնահատում է իր կյանքը՝ բոլոր առումներով: Համատեղ քննարկման արդյունքում հաճախորդն ընտրում է այն թեմաները, որոնց նվիրված են լինելու հետագա հանդիպումները: Այնուհետ, հաճախորդը քոուչի հետ միասին սահմանում է իր համար կարևոր մեկ կամ մի քանի նպատակ և մշակում գործողությունների իրականացման ծրագիր: Հենց առաջին հանդիպումից հետո անհատը սկսում է իրական քայլեր կատարել իր նպատակի ուղղությամբ:

 

Kaizen Mastery-ում մենք յուրօրինակ կերպով միաձուլում ենք քոուչինգի և մենթորության լավագույն տարրերը:  Դրա շնորհիվ հանդիպումների ընթացքում քոուչը կատարում է նաև մենթորի դեր: Նա հաճախորդին է ներկայացնում անհատական զարգացմանը վերաբերող կենսական թեմաներ՝ փոխանցելով իր գիտելիքները և կիսվելով սեփական փորձառությամբ:

 

Հաճախորդը ստանում է իր անձնական աճը խթանող առաջադրանքներ, որոնք պետք է կատարվեն մինչև հաջորդ հանդիպումը: Յուրաքանչյուր հանդիպման ընթացքում քննարկվում են անցած շաբաթվա ընթացքում հաճախորդի կատարած բացահայտումները, նրա ձեռնարկած գործողությունները, առաջ եկած մարտահրավերները, դրանք հաղթահարելու հնարավոր տարբերակները, ինչպես նաև անդրադարձ է կատարվում առաջիկա անելիքներին:

 

Հատկանշական է, որ անհատի կյանքի որևէ ոլորտում դրական փոփոխությունն արդեն իսկ նպաստում է կյանքի մյուս ոլորտների բարելավմանը:

 

Հանդիպումների ընթացքում քոուչը լսում է հաճախորդին, հարցեր տալիս և դիտարկումներ անում: Ճիշտ պահին տրված դիպուկ հարցի շնորհիվ հաճախորդը կարող է երևան հանել այնպիսի հնարավորություններ, որոնք մինչ այդ պահը անտեսանելի էին նրա համար: Քոուչի օգնությամբ նա վեր է հանում իր մարտահրավերները հաղթահարելու մի շարք այլընտրանքներ:

 

 

Քոուչինգը տեղի է ունենում դրական, ոգեշնչող և ստեղծարար մթնոլորտում, որտեղ հաճախորդն իրեն միանգամայն ապահով է զգում՝ արտահայտելու սեփական անհատականությունը և ազատ խոսելու սեփական երազանքների, ձգտումների մասին՝ առանց խոցելի կամ թույլ երևալու մտավախության:

 

Այս ամենը հնարավոր է՝ քոուչինգի էթիկական նորմերին հետևելու շնորհիվ: Դրանք են՝ կոնֆիդենցիալությունը, փոխադարձ վստահությունը, հարգանքը, ազնվությունը, ինչպես նաև միմյանց և ստեղծված համագործակցության առջև պատասխանատվության զգացումը:

 

Քոուչինգը երկարաժամկետ համագործակցություն է հաճախորդի և քոուչի միջև: Հաճախորդի համար շոշափելի արդյունքների հասնելու նպատակով համագործակցության օպտիմալ տևողությունը 3 ամիս է, շաբաթական 1 օր՝ 1 ժամ տևողությամբ: Կախված հաճախորդի կարիքներից՝ համագործակցության տևողությունը և հանդիպումների հաճախականությունը կարող են վերանայվել: Որոշ դեպքերում հաճախորդը կարող է ցանկություն հայտնել շարունակել համագործակցությունը՝ նոր նպատակի ուղղությամբ աշխատելու համար:

 

Քոուչի և հաճախորդի համագործակցությունը կարող է տեղի ունենալ թե՛ անհատական հանդիպումների, թե առցանց հաղորդակցման միջոցներով (օրինակ՝ Skype-ով): Սա հնարավորություն է տալիս գործունյա մարդկանց օգտվել քոուչի ծառայություններից՝ գտնվելով իրենց համար առավել հարմարավետ վայրում և խնայելով սեփական ժամանակը:

 

Հանդիպումներից դուրս քոուչի և հաճախորդի կապը պահպանվում է էլ. փոստի կամ հեռախոսի միջոցով, որի ընթացքում հաճախորդը հնարավորություն ունի տալ իրեն հուզող բոլոր հարցերը, ինչպես նաև հանդես գալ առաջարկներով:

 

Համագործակցությունը սկսելուց առաջ կողմերի միջև կնքվում է պայմանագիր, որտեղ հստակ նշվում են համագործակցության բոլոր մանրամասները:

 

Քոուչինգի ծառայությունից օգտվելու համար անհրաժեշտ է լրացնել այս հարցաթերթը: 

 

Ձգտե՛ք կատարելության,

Kaizen Mastery

 

Հ.Գ. Առաջարկում ենք բաժանորդագրվել մեր Youtube-յան ալիքին (Կայզեն TV), որտեղ կգտնեք մասնագիտական օգտակար խորհուրդներ՝ Ձեր նպատակները ամենօրյա փոքրիկ քայլերով իրականացնելու, երջանիկ ու ներդաշնակ կյանքով ապրելու համար: 

 

Please reload

Ի՞նչ է քոուչինգը. քոուչինգի սկզբունքները

1/1
Please reload

New Food for Thought
Նոր մտքեր
Please reload

© 2016-2019 by Kaizen Mastery

People Development Institute

  • LinkedIn Social Icon
  • Twitter Social Icon
  • YouTube Social  Icon
  • Facebook Social Icon
  • images

Email: kaizenmastery@gmail.com

Phone: +374 (0) 55 345219

Yerevan, Armenia