Լայֆ քոուչինգ Արևիկ Հայրապետյանի հետ Հայաստանում և առցանց

Քոուչ Արևիկ Հայրապետյանի հետ աշխատելու մասին

Ինձ հետ աշխատելը բեկումնային փորձառություն է, որը խորապես կվերափոխի Ձեզ և առաջ կբերի շոշափելի դրական արդյունքներ Ձեր կյանքում, եթե Դուք նվիրումով և լրջորեն վերաբերվեք մեր համատեղ աշխատանքին: 

 

Տարիներ շարունակ ես օգնել եմ իմ հաճախորդներին ստեղծել առողջ հարաբերություններ, իմաստալից մասնագիտական ​​ուղի և երջանիկ կյանք:

 

Գուցե մտածում եք՝ ինչն է որակավորում ինձ աշխատել մարդկանց հետ, ինչու եմ ես այդքան վստահ իմ աշխատանքի և այն վերափոխման մեջ, որը տեղի կունենա Ձեր կյանքում ինձ հետ աշխատելու արդյունքում:

 

Գուցե ենթադրում եք, որ վերոնշյալը հնարավոր է իմ ակադեմիական կրթության կամ ձեռք բերած հավաստագրերի շնորհիվ: Թեև ես սերտիֆիկացված քոուչ եմ, այն, ինչ ես առաջարկում եմ իմ հաճախորդներին, շատ ավելին է, քան քոուչինգը:

 

Ես ակադեմիական կրթություն ստացած հոգեբան չեմ, սակայն խորապես ուսումնասիրել եմ հոգեբանությունը և հարակից ոլորտները:

 

Ես չեմ առաջարկում հոգեբանական ծառայություն, սակայն մեր համատեղ աշխատանքի ժամանակ մենք, ըստ անհրաժեշտության, կանդրադառնանք Ձեր անցյալին, Ձեր ենթագիտակցական արգելքներին և Ձեր մեջ ճնշված էմոցիաներին:

​

Մեր աշխատանքը կսկզբնավորի այնպիսի վերափոխում Ձեր մեջ, որը Դուք չեք էլ անգամ մտածել, որ անհրաժեշտ է կամ հնարավոր է Ձեր կյանքում:

 

Ի՞նչ տեսակի քոուչինգ է առաջարկում քոուչ Արևիկ Հայրապետյանը

Համատեղ աշխատանքի ընթացքում մենք կարող ենք քննարկել Ձեր կյանքի ցանկացած ոլորտին առնչվող թեմաներ՝

• լայֆ քոուչինգ

• մասնագիտական կողմնորոշման և կարիերայի քոուչինգ

• քոուչինգ հարաբերությունների, այդ թվում ռոմանտիկ հարաբերությունների համար

• քոուչինգ ծնողների համար

• քոուչինգ արվեստագետների և ստեղծագործ մարդկանց համար

• քոուչինգ հոգեկան առողջության համար

• քոուչինգ «Մարդու Դիզայն» համակարգով​

 

Քոուչ Արևիկ Հայրապետյանի մոտեցումը

Դուք կարող եք վստահ լինել, որ ես մշտապես ազնիվ կլինեմ Ձեզ հետ՝ առանց Ձեզ քննադատված զգալու որևէ պատճառ տալու: Ես Ձեզ համար կստեղծեմ ապահով միջավայր, որպեսզի կարողանաք առերեսվել Ձեր ներքին կոնֆլիկտներին, վախերին և պատրվակներին (անկախ նրանից, թե որքան եք ուզում փախչել դրանցից) և աշխատել դրանց հետ։

 

Երբ Դուք սկսեք հատ առ հատ մաքրել տարիների ընթացքում Ձեր մեջ ձևավորված սահմանափակող մտքերի և համոզմունքների, ճնշված էմոցիաների շերտերը, Դուք կվերահաստատեք կապը Ձեր իրական էության, Ձեր ներքին ուժի և իմաստության հետ։

 

Դուք կսովորեք սիրել Ձեր էության այն մասնիկները, որոնք միշտ քննադատել եք կամ համարել եք անսիրելի: Դուք կսկսեք ապրել առավել ներդաշնակ և լիարժեք կյանքով։

 

Ես շատ լավ գիտեմ, թե ինչ է նշանակում վերը նկարագրվածը, քանի որ ինքս ապրել և ապրում եմ այդ ամենը: Տարիների ընթացում թե՛ իմ ուսուցիչների օգնությամբ, թե՛ միանգամայն ինքնուրույն ես քայլ առ քայլ բացահայտել եմ իմ էության ամենախորքերը՝ լինելով և աշխատելով իմ էության տարբեր մասնիկների  հետ։ 

​

Հուսով եմ, որ Դուք այժմ հասկանում եք, որ սրանք այնպիսի հմտություններ կամ մեթոդներ չեն, որոնք կարելի է ձեռք բերել որևէ ակադեմիական ծրագրում:

 

Սրանք խորապես մարմնավորված փորձառություններ են, որոնցից ես բազում արժեքավոր դասեր եմ քաղել թե՛ իմ և թե՛ մարդկային էության, թե՛ մարդկային փոխհարաբերությունների և թե՛ կյանքի մասին։

​

Իմ խորը նվիրվածությունը իմ շարունակական ինքնաճանաչմանը և ինքնառեալիզացմանը և այն շոշափելի արդյունքները, որոնք ես տեսել և տեսնում եմ իմ կյանքում, հենց այն է, ինչը որակավորում է ինձ օգնել այլ մարդկանց վերափոխել իրենց կյանքը:​​

​​

Քոուչ Արևիկ Հայրապետյանի հաճախորդների կարծիքները

«Արևիկի հետ քոուչինգ սեսիաները փոխակերպիչ ազդեցություն են ունեցել իմ անձնական և մասնագիտական ​​կյանքում: Արևիկը ստեղծում է վստահության և աջակցության միջավայր։ Նրա կողմից արված խորաթափանց դիտարկումները օգնել են ինձ հաղթահարել առաջ եկած մարտահրավերները և առաջ շարժվել։ Մեծապես խորհուրդ եմ տալիս Արևիկին բոլոր նրանց, ովքեր ցանկանում են անձնային աճ ապրել»։

​

Արևիկ Հայրապետյանի մյուս հաճախորդների կարծիքներին կարող եք ծանոթանալ նրա Լինքդինյան էջում։