Սպորտի հոգեբանություն և
Քոուչինգ մարզիկների համար

Սպորտի հոգեբանության և քոուչինգի դերը մարզիկների համար

Սպորտում հաջողության հասնելու գրավական են ոչ միայն մարզիկի կամ թիմի բարձրակարգ ֆիզիկական հմտությունները, այլև նրանց հոգեբանական պատրաստվածությունը։

Շատ հաճախ մարզիչները, կենտրոնանալով մարզիկի ֆիզիկական, տեխնիկական և տակտիկական հատկանիշների զարգացման վրա, անտեսում են յուրաքանչյուր անհատի կատարողականության կարևորագույն բաղադրիչներից մեկը՝ Թիմոթի Գոլվեյի կողմից առաջարկված «Ներքին խաղը»:

Ի տարբերություն «Արտաքին խաղի», որը տեղի է ունենում մրցասպարեզում, «Ներքին խաղը» տեղի է ունենում մարզիկի մտքում: Այն նպատակ ունի հաղթահարել այնպիսի սահմանափակումներ, ինչպիսիք են օրինակ՝ վախը, հուզմունքը, սեփական ուժերի նկատմամբ թերահավատությունը, լարված իրավիճակում կենտրոնանալու անկարողությունը, ինքնավստահության պակասը։

Բոլոր ժամանակների լավագույն մարզիկները և սպորտային թիմերը գիտակցել են «Ներքին խաղի» նշանակալից դերը իրենց բարձրագույն կատարողականությանը հասնելու գործում և համապատասխան գործիքներ են մշակել սեփական «Ներքին խաղը» կատարելագործելու համար։

Վերջին տասնամյակում կատարվող գիտական ուսումնասիրությունները (առավելապես նեյրոգիտության և հոգեբանության ոլորտներում) առաջարկում են մի շարք արդյունավետ տեխնիկաներ և գործիքներ՝ միտված մարզիկների համար այդքան կարևոր հոգեբանական հմտությունների զարգացմանը:
 

Քոուչ Արևիկ Հայրապետյանի մոտեցումը

Քոուչ Արևիկ Հայրապետյանը համագործակցում է սպորտային ակումբների, մարզիչների, մարզիկների հետ և նրանց առաջարկում համապարփակ ծրագիր՝ լի աշխարհի առաջատար մարզիկների կողմից կիրառվող արդյունավետ տեխնիկաներով:

Հարկ է նշել, որ Արևիկ Հայրապետյանը չի առաջարկում կարճաժամկետ լուծումներ։ Նա հավատում է, որ մարզիկների համար այդքան կարևոր ինքնատիրապետման և ինքնակառավարման հմտությունները հնարավոր է զարգացնել հետևողական և նվիրյալ աշխատանքի շնորհիվ։

Արևիկ Հայրապետյանը համագործակցում է այն թիմերի, մարզիչների և մարզիկների հետ, ովքեր ձգտում են շարունակաբար ընդլայնել իրենց հնարավորությունների սահմանները և մեծ նվաճումների հասնել սպորտում:

Արևիկ Հայրապետյանի հետ աշխատելու արդյունքում Դուք և Ձեր թիմը կսովորեք՝ ինչպես

• սահմանել հստակ և իրագործելի նպատակներ Ձեր մարզական գործունեության վերաբերյալ,

• նախագծել գործողությունների ծրագիր՝ այդ նպատակներին հասնելու համար,

• դառնալ ինքնավստահ և դրական մտածելակերպ ձևավորել Ձեր ունակությունների և հնարավորությունների հանդեպ,

• դուրս գալ Ձեր հարմարավետության գոտուց և ընդառաջ գնալ առավել մեծ մարզական մարտահրավերների,

• զարգացնել կայունություն և կենտրոնանալու ունակություն բարձր լարվածություն պահանջող իրավիճակներում,

• պահպանել Ձեր մոտիվացիան և շարունակաբար լինել ոգեշնչված՝ Ձեր մարզական երազանքները կյանքի կոչելու համար:
   

Թիմային քոուչինգ սպորտային թիմերի համար

Մարզիկների անհատական կատարողականությունը բարձրացնելուն ուղղված ծառայությանը զուգահեռ, Արևիկ Հայրապետյանն առաջարկում է նաև Թիմային քոուչինգի ծառայությունը, որը անչափ արժեքավոր կլինի հզոր թիմային մշակույթ ստեղծել ձգտող սպորտային ակումբների համար:

Ձեր մարզիկները կսովորեն հանդես գալ իրենց ուժեղագույն հատկանիշներով, դառնալ օրինակելի թիմակից և առավելագույնս նպաստել ամբողջ թիմի նպատակների իրականացմանը:

Ձգտելով իսկապես արժեքավոր ծառայություններ մատուցել հաճախորդներին՝ Արևիկ Հայրապետյանն ականջալուր է լինում յուրաքանչյուր սպորտային թիմի, մարզիչի և մարզիկի յուրօրինակ կարիքներին։

Աշխատե՛նք միասին, բացահայտե՛նք փոքրիկ քայլերի արվեստը, փոքրիկ հաղթանակների մեծ ուժը և միասին վերափոխե՛նք Ձեր մարզական կարիերան կամ Ձեր սպորտային թիմը։
 

Արևիկ Հայրապետյանի փորձառությունը մարզիկների հետ աշխատանքում

2016 թվականից ի վեր Արևիկ Հայրապետյանը աշխատել է ֆուտբոլի մարզիչների, մարզիկների, ինչպես նաև բարձր կատարողականություն պահանջող ոլորտներում հանդես եկող մարդկանց հետ և օգնել նրանց բացահայտել և ռեալիզացնել իրենց ներուժը։

Նորվեգական «Բուդյո-Գլիմտ» ակումբի դարպասապահ Նիկիտա Հաիկինի կարծիքը Արևիկ Հայրապետյանի հետ աշխատելու մասին`
«Արևիկի հետ աշխատանքը զգալիորեն օգնել է ինձ բազմաթիվ առումներով, ինչպիսիք են՝ ինքնաճանաչումը, ինքնավստահությունը և շատ ավելին: Ես մեծապես խորհուրդ եմ տալիս նրա հմտությունները բոլոր այն մարդկանց, ովքեր ձգտում են ինքնաճանաչման, ինչպես նաև իրենց նպատակների իրականացմանը»։